”Hjortejakt.com” . Org.nr. 991 558 519

Utleige av hjortejakt, sesongen 2011.

Teita /Byrkjelo i Gloppen kommune, Sogn & Fjordane Fylke.

1km. sør-vest for Byrkjelo sentrum, 25km frå Sandane Lufthamn, 60km frå Førde og Stryn.

Kartreferanse: 1318 III Breim.

Direktefly frå Gardermoen til Sandane Lufthamn ( ca. 1 time flytid).

Jaktterrenga (frå 150 - 1.000 moh) :

Jaktområde 1 ( 6.500 dekar) :

Består av 3 jaktfelt : Jaktfelt 1 og 2 er samanhengande jaktfelt (tot. ca. 3.500 dekar, alle kategoriar løyver) + Jaktfelt 3 (ca. 3.000 dekar, kun løyver på kalvar, koller og fjorbukkar) ca. 0,5 km frå dei andre to. Maksimalt 40% felling av leigd kvote i Jaktfelt 3.

Jaktområde 2 (7.000 dekar):

Eit samanhengande jaktfelt (7.000 dekar, alle kategoriar løyver).

Jaktlag leiger enten jaktområde 1 eller jaktområde 2, og krav om min 3 løyver pr. jaktlag pr. periode.

Kart med innteikna postar og trekkruter vert utdelt og gjennomgått ved ankomst.

Terrenga er prega av lauvskog med for det meste bjørk og or, og med innslag av større og mindre plantefelt av gran. Det er ein del opne beiter i terrenget, og dessutan mange bøar langs terrenget. Nederste halvdel av terrenget (mot bøane/beiter), er forholdsvis flatt og litt småkupert, mens øverste delen er tildels bratt og kupert terreng. Området har vanlegvis ein stor hjortestamme, og areal pr. tildelte fellingsløyve er derfor ca. 260 dekar pr. løyve. Peridevis vil mange av hjortane stå høgt i terrenget, og jegerane må pårekne jakt også i øvre delar av terrenget i desse periodane.

Fellingsresultat for 2008 :

Jaktområde 1: 65% felling, Jaktområde 2: 100% felling.

Utleigejakt ca. 60% felling av leigd kvote.

Jakta 2009 :

Jaktområde 1 : 86% felling, Jaktområde 2 : 90% felling.

Utleigejakt 60% felling av leigd kvote.

Jakta 2010 :

Jaktområde 1 : 100% felling, Jaktområde 2 : 100% felling.

Utleigejakt ca. 65% felling av leigd kvote.

Dette er eit variert terreng som eignar seg godt til posteringsjakt, smygjakt og drivjakt. Her er svært gode mogelegheitar for bøajakt, skogsjakt og ”fjelljakt” i og over tregrensa.

Jaktlag kan evt. også disponere jakt i det andre Jaktområdet enn det leigde (viss det ikkje er utleigd). Dette vert styrt av utleigar, og som samjakt med inntil 3 jegerar frå hjortejakt.com.

Utleigar:

Knut O. Førde (48år) og ein av grunneigarane i jaktområde 1. Har 31 års erfaring med jakt på hjort, og med over 200 felte dyr i desse områda. Pedagogisk utdanning, og arbeider som lærar i vidaregåande skule, og har delt omsorg for Malin på 12 år.

Kost og losji :

Alternativ 1 : Våningshus m/ kost (gjeld ved leige av Jaktområde 1)

Saman med underteikna (og dottera Malin annankvar veke) i delvis restaurert lafta tømmerhus frå 1909 (ca. 130m2). 7 sengeplassar (4 soverom), 2 stover, nytt kjøkken, varmekablar på nytt bad, kjellar med vaskemaskin, tørketrommel, tørkemogelegheitar, frys, m.m.

Ligg sentralt i Jaktområde 1. Oppredde sengar når jegerane kjem.

Utleigar serverar middag kvar ettermiddag/kveld (t.d. hjortekarbonader, hjortepølser, fjellørret, gryterett av hjort)

Utleigar held all mat (alkoholhaldig drikke ikkje inkl.), og leigetakarane inntar alle måltid, utanom middag, etter prinsippet ”sjølvbetjening”. Anna kan evt. avtalast på førehand.

Alternativ 2 : Hytte u/ kost (ca. 1 km frå Jaktområde 1, og 5 km frå Jaktområde 2).

Overnatting i hytte ( ca. 40m2) 5 sengeplassar (2 soverom + hems),bad m/varmekablar, kj.krok og stove. Leigetakarane held kost og sengeklede sjølve.

Vask av hytta er inkl. i prisen. Gjeld begge jaktområda.

Slakteplass:

Eigen slakteplass på ca. 15m2 som er bygd kun for dette formålet, og med flåbenk, taljer, viltposar, knivar, vatn m.m. ”Heng” for slaktet før levering på kjølerom.

Ligg sentralt i tilknytning til Våningshuset i Jaktområde 1 (gjeld for begge Jaktområda).

Skytebane:

Eiga ”skytebane” (ved Våningshuset) for kontrollskyting med hjortefigur på ca. 100m. Standplass for sitjande og liggande med anlegg. Denne er til fri disposisjon under heile oppholdet.

Utleigar ynskjer at alle jegerar prøveskyt alle våpen før jakta tar til – dette for å kontrollere at transport av våpen ikkje har påverka treffpunktet.

Våpenkort / Storviltprøve / Jegeravgiftskort:

Kvar jeger skal uoppfordra vise desse ved ankomst.

Desse skal naturlegvis vere godkjent, og alle jegerane skal ha med seg desse på jakt.

Manglar ein jeger nokon av desse 3 korta, så kan han/ho ikkje delta med våpen på jakta!

Kjøttkontroll & Partering:

Kjøttkontroll utført av Mattilsynet + transport av heilt slakt vidare til godkjent pølsemaker for modning på kjølerom og partering + lager på frys i inntil 3 mnd kan ordnast mot tillegg i pris. Dette bør avtalast på førehand.

Guiding:

Alle jaktlag får obligatorisk guiding på ca. 2 timar før jakta tar til. Dette med tanke på sikkerhet (gjere seg kjend med jaktfelt/valdgrenser), trekkruter og postar på kart m.m.

Guiding under sjølve jakta bør avtalast på førehand.

Ettersøk:

Utleigar er med i ettersøksring i kommunen, og er ansvarleg for ettersøkshund ved skadeskyting (ingen ekstra kostnad for leigetakarane). Eigen ettersøkshund kan dessverre ikkje nyttast.

Skadeskyting:

Påskotne dyr vert rekna som felte dyr, og vert trekt frå den betalte kvoten.

Dette er utleigar sin garanti for seriøs jakt. Ved skadeskyting vert naturlegvis all anna jakt stoppa (i det aktuelle jaktområdet) inntil påskote dyr vert funnet (inntil 48 timar), eller at hundeførar frå ettersøksringen avsluttar ettersøket. Alle i jaktlaget pliktar å vere disponible ved ettersøk. Hundeførar frå Ettersøksringen er til ein kvar tid ”øverste myndighet” under ettersøket, og tar saman med utleigar dei avgjerder som skal takast.

Bruk av hund:

Bruk av hund er tillatt, og leigetakarane er sjølve ansvarlege for evt. negative konsekvensar dette medfører. Utleigar ynskjer ikkje bruk av hund som losar langt og lenge (t.d. drever) – dette pga at hunden kan forstyrre jakta i noboterrenga. Utleigar har sjølv Wachtelhund (støtande hund) som vert nytta på evtuelle felles drivjakter.

Jaktdagar:

3-6 dagar jakt – ta kontakt for ynskje om dagar og jaktområde.

Innkvartering med kontrollskyting,gjennomgang av rutinar, kart / guiding, kontroll av godkjent skyteprøve for storvilt,våpenkort og jegeravgift m.m.

Når eit jaktlag har felt leigd kvote, bortfaller resten av leigde jaktdagar.

Anna kan evt. avtalast på førehand.

MÅNESKINNSJAKT : Avsatt for jaktlag med utstyr og erfaring med måneskinsjakt i tillegg til ordinær jakt.

GJESTEJAKT : 1-2 jaktperiodar til ”single jegerar” som vert satt saman til eit felles jaktlag. Ca. 4 jegerar pr. periode og jaktområde. Første gjestejeger som inngår kontrakt bestemmer kvar periode. Gjennomført både i 2007,2008,2009 og 2010 med gode erfaringar.

Fellingsløyver og jaktområder :

Det er for inneverande jaktsesong tildelt 40% vaksne hanndyr (halvparten som fjorbukkar), 40% vaksne hodyr og 20% kalv.

Eldre bukk kan utgjere maksimalt 1/3 av leigd kvote.

Krav om min. 3 løyver pr. jaktlag pr. Jaktområde.

Feilskyting / ”overskyting”:

Viss det vert feilskyting/overskyting av leigd kvote (kontraktsbrot), kan utleigar seie opp den leigde jakta med umiddelbar verknad. Utleigar vil så langt råd er, utvise skjønn viss ein slik situasjon evt. skulle oppstå.

NB! Kalv kan fellast på alle typer leigde løyver.

Utleigar vil anbefale alle jaktlag å ha godt kommunikasjonsutstyr under jakta. Dette for ei meir effektiv jakt, og for å unngå feilskyting/overskyting av leigd kvote.

Trofè-jakt:

Tilbyr også guida jakt etter bukk i brøleperioden . Dette er ei heilt spesiell jakt som ofte gjev opplevelsar for livet!

1-2 jegerar er høveleg antal pr. jaktperiode v/ guiding i brøleperioden.

Jakterfaring, lyssterk kikkertsikte, god handkikkert, lydlause ”smyg-klede” og bra fysisk form er ein fordel m.t.p. denne jakta.

Eigne jaktperiodar er avsatt for dei som ynskjer dette. Eige opplegg med eller utan guiding, og eige prissystem – ta kontakt om dette er av interesse.

Etter ca. 1. mai vert desse periodane evt. leigd ut som ordinær jakt.

Guida jakt:

Tilbyr guida jakt for jegerar som har litt lite erfaring med hjortejakt – dette som ”ekstrahjelp” for å felle leigd kvote.

Ta kontakt om dette er av interesse.

Hjortejakt for kvinner:

To jaktperiodar er reservert spesielt for kvinnelege jaktlag. Dersom det ikkje er interesserte kvinnelege jegerar (innan ca. 1. april), vert også desse perioden leigd ut som dei andre periodane.

Generelt:

Jakta gjeld kun jakt på hjort (+ and med hagle), og alle skot og felte dyr SKAL meldast utleigar så snart som praktisk råd (leigetakarane pliktar å ha med mobiltelefon på jakta).

Brot på kontrakta medfører at leigetakarane mister jaktretten, dvs. kvote og jaktdagar, utan refusjon av innbetalt beløp.

Jakta skal foregå i henhold til gjeldande reglar i våpenlova og viltlova.

Jakta foregår i avtalt tidsrom, og på grunn av andre jaktlag kan eg (vanlegvis) dessverre ikkje tilby ekstra jaktdagar i forlengelse av leigde dagar.

Trådlaust breiband er innlagt i Våningshuset, så leigetakarane kan jobbe via medbrakt bærbar pc under opphaldet (overnattingsalternativ 1).

Kvar enkelt jeger er sjølv ansvarleg for eiga utøving av jakta (evt. materielle skadar, skadeskyting, vådeskot, mm.).

Alkohol og jakt høyrer ikkje saman, og jegerane pliktar å overholde dette i form av null promille på jakt. Utleigar har rett til promillekontroll, og registrert promille på jakt vert rekna som kontraktsbrot med umiddelbart avslutta leigeforhold utan refusjon av innbetalt beløp som resultat.

Gratis fiske i god ørretelv på privat fiskerett (ca. 1 km elvestrekning) og andejakt på området som tilhøyrer garden inngår i kontrakta.

Rypejakt i fjella kan også ordnast av utleigar.

Eg tilbyr eit seriøst opplegg der eg som utleigar vil gjere mitt beste for at leigetakarane skal trivast og få gode jaktopplevingar, og dessutan få gode moglegheitar til å felle dei dyra dei leiger. Evalueringsresultat for 2008 gav 8,8 poeng ( der poengscore var 1-10, der 10 var svært førnøgd), og i 2009 var evalueringa på 8,9 poeng.

2007: Felt ca. 55% av leigd kvote - deriblant ein flott 11-taggar på 120 kg slaktevekt (sjå bilde på heimesida).

2008 vart fellingsresultatet 59% av leigde løyver, med 11-taggar på 106 kg som største bukken.

I 2009 vart fellingsresultatet 60% av leigde løyver. Flott 12-taggar på 126kg, og 13-taggar på 92kg som dei to største bukkane.

Jakta 2010 vart fellingsresultatet ca. 65% av leigde løyver, og det vart felt 2 fine 11-taggarar, og dessutan 2 flotte 12-taggarar !

Nye jaktlag som ynskjer å leige hjortejakt i desse områda, kan kome på synfaring av terrenget i juni månad. Utleigar vil kostnadsfritt (inntil 3 timar) vere med å vise terrenget med grenser, kart, postar m.m.

Hjorten er eit lunefullt og SVÆRT utfordrande vilt å jakte på, så ingen kan garantere resultat i form av antal felte dyr. Kunnskap om viltet og terrenget er to viktige faktorar som utleigar vil bidra med før og under opphaldet, men jakterfaring og antal timar i terrenget pr. jegerdøgn vil likevel vere heilt avgjerande for fellingsresultatet. Kun 2-3 timars jakt morgon og kveld vil sjeldan vere nok til å felle eit dyr pr. 3-4 jegerdøgn!

Hjortejakt er ei jakt for den tolmodige og forsiktige jegeren som er audmjuk nok til å lære undervegs!

Det er ofte mange spennande og opplevelsesrike timar ”bak” kvar felt hjort!

Eg kan garantere hjort i terrenga, og eit seriøst opplegg med gode tips om trekkruter og postar etter mange års jakterfaring. Overnatting i hus med sjel og atmosfære frå tidleg 1900-talet (alt. 1 og 2), og ikkje minst gode naturopplevingar i vill og vakker Vestlandsnatur!

Priseksempel 1:

4 jegerar leiger 1 kalv + 1 kolle + 1 fjorbukk/kolle, og overnattar i hytte ( alt. 2) i 6 døgn på campingplass.

Pris : kr. 14.460,- (løyver og overnatting).

Dette vert kr. 3.615,- pr. jeger for 5 døgn jakt med 6 overnattingar i ca. 6.500 dekar,

dvs. kr. 723,- pr. jeger pr. døgn ! I tillegg kjem kg-pris (kr. 73,- pr. kg. slaktevekt)etter felling.

Priseksempel 2:

4 jegerar leiger 1 kalv + 1 kolle + 1 fjorbukk/kolle + 1 fritt dyr, og overnattar i hytte ( alt.2) i 6 døgn på campingplass.

Pris : kr. 20.360,- (løyver og overnatting).

Dette vert kr. 5.090,- pr. jeger for 5 døgn jakt med 6 overnattingar i ca. 6.500 dekar,

dvs. kr. 1.018,- pr. jeger pr. døgn ! I tillegg kjem kg-pris (kr. 73,- pr. kg. slaktevekt) og evt trofè-avgifter etter felling.

Referansar + resultat frå evalueringa av jakta 2008, 2009 og 2010 vert oppgitt.

Viser også til bildearkivet på www.hjortejakt.com

Sjå også :

www.ssb.no/jakt

www.njff-sognogfjordane.no

Seriøse jegerar/jaktlag kan sende mail til ;

knut.forde@sfj.no

for meir informasjon, så tar eg kontakt for vidare drøfting.

Jegerhelsing

Knut O. Førde

Tlf. 90 06 12 30